பெண்ணை கொலை செய்தவருக்கு விளக்கமறியல் நீடிப்பு

- எம்.எஸ்.எம். ஹனீபா

மட்டக்களப்பு, கல்முனையில் அமைந்துள்ள சர்வோதய அபிவிருத்தி நிதிக் கம்பனியின் உதவி முகாமையாளரான பெண்ணொருவரை வெட்டிக் கொலை செய்த குற்றச்சாட்டின் பேரில் கைதுசெய்யப்பட்டு விளக்கமறியலில் வைக்கப்பட்டுள்ள சந்தேகநபரை தொடர்ந்து மீண்டும் எதிர்வரும் செப்டெம்பர் மாதம் 05ஆம் திகதி வரை விளக்கமறியலில் வைக்குமாறு கல்முனை நீதவான் நீதிமன்ற நீதவான் ஐ.பயாஸ் றஸாக், இன்று திங்கட்கிழமை (22) உத்தரவிட்டார்.

கடந்த பெப்ரவரி மாதம் 27ஆம் திகதி, காரியாலயத்துக்குச் சென்று கடமையாற்றிக் கொண்டிருக்கும் போதே இக்கொலை இடம்பெற்றுள்ளதாகத் தெரிய வருகின்றது. குளோரி வீதி நற்பிட்டிமுனை, கல்முனையைச் சேர்ந்த ராஜேஸ்வரன் சுலக்ஷனா (வயது 33) என்ற தாய் ஒருவரே வெட்டிக் கொல்லப்பட்டுள்ளார்.