படுகாயங்களுக்குள்ளான சிறுமி சிகிச்சை பலனின்றி உயிரிழப்பு

-எம்.எஸ்.எம்.நூர்தீன்

மாடிப்படியிலிருந்து விழுந்து மட்டக்களப்பு போதனா வைத்தியசாலையில் சிகிச்சை பெற்று வந்த சிறுமி  சிகிச்சை பலனின்றி இன்று செவ்வாய்க்கிழமை காலை உயிரிழந்துள்ளார்.

கடந்த 22ஆம் திகதி காத்தான்குடி 6ஆம் குறிச்சி அமானுல்லாஹ் வீதியில் வசிக்கும் எம்.எஸ்.பாத்திமா சாறா(07) என்ற சிறுமி, அயல் வீட்டிலுள்ள மாடிப்படியில் ஏறிக் கொண்டிருந்த போது தவறி விழுந்துள்ளார்.

இதில் படுகாயங்களுக்குள்ளான சிறுமி காத்தான்குடி ஆதாரவைத்தியசாலையில் அனுமதிக்கப்பட்டு மேலதிக சிகிச்சைக்காக மட்டக்களப்பு போதனா வைத்தியசாலையில் அனுமதிக்கப்பட்டு சிகிச்சை பெற்று வந்த நிலையிலேயே, உயிரிழந்துள்ளார்.