பாடசாலைகளைப் புனரமைக்க அமெரிக்கா நிதியுதவி

ஐக்கிய அமெரிக்காவின் பசுபிக் கட்டளைப் பணியகத்தால், கிழக்கு மாகாணத்தில் புனரமைக்கப்பட்ட இரண்டு பாடசாலைகள், சமீபத்தில் திறந்து வைக்கப்பட்டன.
இலங்கைக்கான ஐ.அமெரிக்கத் தூதரகத்தின் ஊடகக் கல்வி மற்றும் கலாசார அலுவல்களுக்கான பணிப்பாளர் ஜேம்ஸ் எல்.ரூஸ்ஸோ தலைமையில், புனரமைக்கப்பட்ட இப்பாடசாலைகள், மாணவர்களின் பாவனைக்காகக் கையளிக்கப்பட்டன.

காவத்தமுனை அல்-அமீன் பாடசாலை புனரமைப்புக்கு, 47 மில்லியன் 7 இலட்சத்து 10 ஆயிரத்து136 ரூபாயும், அப்துல் காதர் பாடசாலைக்கு 49 மில்லியன் 3 ஆயிரத்து 492 ரூபாயும் நிதியுதவி வழங்கப்பட்டுள்ளன.

இலங்கையின் கிழக்கு மாகாண கல்வியமைச்சு, அனர்த்த முகாமைத்துவ நிலையம் ஆகியவற்றின் பரிந்துரைக்கமையவே, இந்தப் பாடசாலைகள் தெரிவு செய்யப்பட்டுள்ளன.