பாதசாரிகளுக்கு தடையாக இருந்த வியாபார பொருட்கள் நீக்கம்

காத்தான்குடி நகர சபையால், காத்தான்குடி பிரதான வீதியில் பாதையோரங்களில், பாதசாரிகளுக்குத் தடையாக காணப்பட்ட பொருட்களை அகற்றும் நடவடிக்கை, இன்று (27) முன்னெடுக்கப்பட்டது.

இது தொடர்பாக, வியாபாரிகளுக்கு ஏற்கெனவே அறிவுறுத்தல் வழங்கப்பட்டிருந்தும் குறித்த பொருட்கள் அகற்றப்படாமல் இருந்தமையாலேயே, இந்தப் ​பொருட்கள் பலவந்தமாக அகற்றப்பட்டது.

27 வர்த்தக நிலையங்களுக்கு முன்னால் இருந்து அகற்றப்பட்ட பொருட்கள் அனைத்தும் நகரசபை வாகனங்களில் கொண்டு செல்லப்பட்டன.