பாரம்பரிய உணவு உற்பத்திக் கண்காட்சி

வாகரை விவசாய திணைக்களத்தின், விவசாய போதனாசிரியர் பிரிவின் ஏற்பாட்டில், பாரம்பரிய உணவு உற்பத்தி கண்காட்சியும், விழிப்புணர்வும் இன்று (22) வாகரை விவசாய திணைக்களத்தின் சந்தைக் கட்டடத்தில் நடைபெற்றது.

இந்நிகழ்வு, விவசாய திணைக்களத்தின் விவசாய போதனாசிரியர் எஸ்.பிரபாகரன் தலைமையில் நடைபெற்றது.

இதில், மட்டக்களப்பு மாவட்ட பிரதி விவசாய பணிப்பாளர் ப.பேரின்பராசா, வடக்கு வலய உதவி விவசாய பணிப்பாளர் ஈ.சுகந்ததாசன் உட்பட திணைக்கள அதிகாரிகள், அரச உயர் அதிகாரிகள் கலந்து கொண்டனர்.

விவசாய திணைக்களத்தினால், மட்டக்களப்பு மாவட்டத்தில் முதலாவது சந்தைக் கட்டடம் வாகரையில் திறந்து வைக்கப்பட்ட நிலையில், இக்கட்டடத்தில் பெண்களின் வாழ்க்கைத் தரத்தை உயர்த்தும் முகமாகவும், பாரம்பரிய உணவுகளை மக்கள் மத்தியில் வெளிக்கொணரும் வகையிலும், நஞ்சற்ற உணவை மக்கள் உண்ணும் வகையில் இக்கண்காட்சியும் விழிப்புணர்வும் நடைபெற்றது.