போதைப்பொருள் வியாபாரி கைது

ஓட்டமாவடி நாவலடி பிரதேசத்தில் வைத்து, நீண்ட காலமாக போதைப்பொருள் வியாபாரத்தில் ஈடுபட்டு வந்தாரெனச் சந்தேகிக்கப்படும் நபர், கஞ்சாவுடனும் போதை மாத்திரைகளுடனும், நேற்று (09) மாலை கைது செய்யப்பட்டார் என, வாழைச்சேனை பொலிஸார் தெரிவித்தனர்.

வாழைச்சேனை பொலிஸாருக்கு கிடைத்த இரகசியத் தகவலையடுத்து, விற்பனை நடவடிக்கையில் ஈடுபட்டிருந்த நிலையில் இவர் கைதுசெய்யப்பட்டார் என, பொலிஸார் தெரிவித்தனர். இவரிடமிருந்து, 2 கிராம் கஞ்சா, 20 போதை மாத்திரைகள் என்பன கைப்பற்றப்பட்டுள்ளன.