மட்டக்களப்பில் ஆயுதங்கள் மீட்பு

-வா.கிருஸ்ணா, எஸ்.பாக்கியநாதன்

மட்டக்களப்பு பொலிஸ் பிரிவுக்கு உட்பட்ட கொக்குவில் பகுதியில் அமைந்துள்ள பொலிஸ் காவலரணுக்கு அருகில் உள்ள வளவிலிருந்து ஞாயிற்றுக்கிழமை (19) மாலை ஆயுதங்கள் மீட்கப்பட்டுள்ளன.

குறித்த வளவில் வீடு கட்டுவதற்காக அத்திபாரம்  வெட்டியபோது, நிலத்தில் புதைக்கப்பட்ட இந்த ஆயுதங்கள் தென்பட்டுள்ளன. அவை பொலித்தீன் பைகளினால்; சுற்றப்பட்;ட நிலையில் இருந்ததுடன், துருப்பிடித்துக் காணப்பட்டதாகவும்  பொலிஸார் தெரிவித்தனர்.

இதன்போது ரி -56 ரக துப்பாக்கிகள் நான்கு, மகசின்கள் எட்டு, ரி-56 ரக துப்பாக்கிகளுக்கான ரவைகள் 210 ஆகியவையே மீட்கப்பட்டுள்ளதாகவும் பொலிஸார் கூறினர்.

கடந்த காலத்தில் விடுதலைப் புலிகள் இப்பகுதிக்கு இந்த ஆயுதங்களைக் கொண்டுவந்து மறைத்து வைத்திருக்கலாம் எனவும் பொலிஸார் கூறினர்.

இது தொடர்பான விசாரணைகளை பொலிஸார் மேற்கொண்டு வருகின்றனர்.