மட்டக்களப்பு நகரில், டெங்குத் தடுப்பு துண்டுப்பிரசுரங்கள் விநியோகம்

மட்டக்களப்பு மாவட்ட செயலக அதிகாரிகளாலும் உத்தியோகத்தர்களாலும், மட்டக்களப்பு நகரில், டெங்குத் தடுப்பு துண்டுப்பிரசுரங்கள், இன்று (02) விநியோகிக்கப்பட்டன.

பிரதான பஸ் நிலையம், பொதுச் சந்தை, ரயில் நிலையம், காந்திப் பூங்கா, பொலிஸ் சுற்றுவட்டம், அரசடிச் சந்தி உள்ளிட்ட இடங்களில் பொதுமக்கள் விழிப்புணர்வு துண்டுப்பிரசுர விநியோகம் செய்யப்பட்டன.

தேசிய டெங்கு ஒழிப்பு வாரம், செப்டெம்பர் 26ஆம் திகதி முதல் ஒக்டோபர் 02ஆம் திகதி (இன்று) வரை நாடெங்கிலும் பிரகடனப்படுத்தப்பட்டுள்ளது.

அதனடிப்படையில், மட்டக்களப்பு மாவட்ட செயலகத்தின் ஏற்பாட்டில், கடந்த 26ஆம் திகதி முதல் பல்வேறு டெங்கு ஒழிப்பு வேலைத்திட்டங்கள் நடைமுறைப்படுத்தப்பட்டுள்ளன.