மத நிந்தனை; பொலிஸாரின் அறிவுறுத்தல் மீளப்பெறப்பட்டது

எம்.எஸ்.எம்.நூர்தீன்

ஏறாவூர் பிரதேசத்திலுள்ள பள்ளிவாசல்கள், வீடுகளில் காணப்படும் குர்ஆன், ஹதீஸ் வசனங்கள் அனைத்தையும், ஒரு மணித்தியாலத்துக்குள் அகற்றுமாறு ஏறாவூர் பொலிஸ் நிலையத்தில் கடமையாற்றும் பொலிஸ் உத்தியோகத்தர் ஒருவர் விடுத்த அறிவுறுத்தல், உடனடியாக மீளப்பெறப்பட்டுள்ளது.  

இவ்விடயத்தை நாடாளுமன்ற உறுப்பினர் அலி ஸாஹிர் மௌலானா, பிரதிப் பொலிஸ் மா அதிபர் தம்மிக்க பெரேரா, ஏறாவூர்ப் பொலிஸ் நிலையப் பொறுப்பதிகாரி நளின் ஜயசுந்தர ஆகியோரின் கவனத்துக்குக் கொண்டு சென்றதையடுத்தே, மேற்படி அறிவுறுத்தல் மீளப்பெற்றப்பட்டுள்ளது.