மியர்ன்மாரைக் கண்டித்து காத்தான்குடியில் பெண்கள்இன்று ஆர்ப்பாட்டம்

மியான்மார் ரோஹிஞ்சா முஸ்லிம்கள் கொல்லப்படுவதைக் கண்டித்து காத்தான்குடியில் இன்று (04) பெண்கள் ஆர்ப்பாட்டமொன்றில் ஈடுபடவுள்ளதாக பெண்களுக்கான வலுவூட்டலுக்கும் அபிவிருத்திக்குமான அமைப்பின் நிறைவேற்றுப் பணிப்பாளரும் காத்தான்குடி நகர சபை முன்னாள் உறுப்பினருமான திருமதி சல்மா ஹம்சா தெரிவித்தார்.

இந்த ஆர்ப்பாட்டத்தை பெண்களுக்கான வலுவூட்டலுக்கும் அபிவிருத்திக்குமான அமைப்பு ஏற்பாடு செய்துள்ளதாகவும் இதில் மட்டக்களப்பு மாவட்டத்திலுள்ள தமிழ், முஸ்லிம் பெண்கள் கலந்துகொள்ளவுள்ளதாகவும் அவர் தெரிவித்தார்.

அத்துடன், இந்த ஆர்ப்பாட்டத்தில் காத்தான்குடி, மட்டக்களப்பு மாவட்டத்தைச் சேர்ந்த பெண்களைக் கலந்துகொள்ளுமாறும் அவர் வேண்டுகோள் விடுத்தார்.

இந்த ஆர்ப்பாட்டத்தின் இறுதியில் இலங்கை அரசாங்கத்துக்கும் ஐக்கிய நாடுகள் மனித உரிமை பேரவைக்குமான மகஜர்கள் கையளிக்கப்படவுள்ளதாகவும் அவர் மேலும் குறிப்பிட்டார்.