மியான்மாருக்கு எதிராக கிழக்கு ஊடகவியலாளர்கள் கையொப்பம் இட்டனர்

மியான்மார் ரோஹிஞ்சா முஸ்லிம்கள் படுகொலை செய்யப்படுவது தொடர்பில் மனிதாபத்துக்கெதிரான குற்றங்கள் மற்றும் படுகொலைகளுக்காக, மியான்மாரை சர்வதேச குற்றவியல் நீதிமன்றில் நிறுத்துமாறு, ஐக்கிய நாடுகள் சபையைக் கோரி, கிழக்கு மாகாண ஊடகவியலாளர்கள், திங்கட்கிழமை இரவு கையொப்பமிட்டனர்.

காத்தான்குடி மீடியா போரத்தின் ஏற்பாட்டில் காத்தான்குடியில் நடைபெற்ற கிழக்கு மாகாண ஊடகவியலாளர்களின் ஹஜுப் பெருநாள் ஒன்றுகூடலின் போது, இந்தக் கையொப்பங்கள் இடப்பட்டன.

இந்த கையொப்பங்கள் அடங்கிய பதாதையை, ஐக்கிய நாடுகள் சபையின் இலங்கைப் பிரதிநிதிகளிடம் காத்தான்குடி மீடியா போரம், ஓரிரு தினங்களில் கையளிக்கவுள்ளதாக, காத்தான்குடி மீடியா போரத்தின் செயலாளர் மௌலவி எஸ்.எம்.எம்.முஸ்தபா தெரிவித்தார்.