மீள்குடியேற்ற கிராமத்தின் முதலாவது தொழுகை

ஓட்டமாவடி பிரதேச செயலாளர் பிரிவில் மீள்குடியேற்ற கிராமமான அல் - மஜ்மா கிராமத்தின் அல் - மஜ்மா பள்ளிவாசலின் முதலாது ஜூம்ஆ தொழுகை, நேற்று (11) இடம்பெற்றது.

ஜூம்ஆ பிரசங்கத்தையும் தொழுகையையும் மௌலவி ரீ.எம்.அப்துல் மஜீட் (ஸர்கி) நடத்தி வைத்ததுடன், நூற்றுக்கணக்கான பொதுமக்கள் ஜூம்ஆ தொழுகையில் கலந்துகொண்டதுடன், அவர்களுக்கான பகல் போசனமும் வழங்கப்பட்டது.

அல் - மஜ்மா கிராமத்தில் வாழ்ந்த மக்கள், நாட்டில் ஏற்பட்ட அசாதார சூழ்நிலை காரணமாக 1990ஆம் ஆண்டு அப்பகுதியை விட்டு இடம்பெயர்ந்து, தற்போது மீள்குடியேறியுள்ளனர்.

300 குடும்பங்கள் தற்பேது இங்கு வசித்து வருகின்றன.