யானைகளிடமிருந்து காப்பாற்றுமாறு கவனயீர்ப்புப் பேரணி

ஆர்.ஜெயஸ்ரீராம், பேரின்பராஜா சபேஷ்

யானை வேலி அமைத்து, தமக்குப் பாதுகாப்பளிக்குமாறு கோரி, மட்டக்களப்பு - தொப்பிகல பகுதிப் பொதுமக்கள், இன்று (20)  கவனயீர்ப்புப் பேரணியில் ஈடுபட்டனர்.

திகிலிவட்டைப் பிரதேசத்திலிருந்து ஆரம்பமான இப்பேரணி, கிரான் பிரதேச செயலக முன்றலில் நிறைவடைந்தது.

திகிலிவட்டை கிராமத்தில், கடந்த ஞாயிற்றுக்கிழமை காட்டு யானை தாக்கியதில் இரு பிள்ளைகளின் தாயான முத்துலிங்கம் நிரஞ்சலா (வயது 31) என்பவர் ஸ்தலத்திலேயே உயிரிழந்துள்ளார்.

இவ்வாறு, கிரான் பிரதேச செயலாளர் பிரிவில், யானைகளால் பல உயிரிழப்புகளும் தாக்குதல் சம்பவங்களும் இடம்பெறுவதாக, பேரணியின் கலந்கொண்ட மக்கள் தெரிவித்தனர்.

எனவே, காட்டு யானைகள் கிராமங்களுக்குள் நுழைவதைத் தடுக்கும் வகையில், யானை வேலி அமைத்துத்தருமாறு, அவர்கள் கோரினர்.

பேரணியை அடுத்து, மட்டக்களப்பு மாவட்டச் செயலாளருக்கான மகஜரொன்றை, பிரதேச செயலாளர் எஸ். ராஜ்பாபுவிடம் கோராவெளி வட்டார மக்கள் பிரதிநிதி காளிக்குட்டி நடராஜா கையளித்தார்.