றோட்டரிக் கழகத்தின் புதிய தலைவராககருணாகரன் பதவியேற்பு

வா.கிருஸ்ணா, கே.எல்.ரி.யுதாஜித், ஏ.எச்.ஏ. ஹுஸைன்

மட்டக்களப்பு றோட்டரிக் கழகத்தின் 60ஆவது புதிய தலைவராக கிழக்குப் பல்கலைக்கழகத்தின் முன்னாள் பிரதி உப வேந்தரும், மட்டக்களப்பு போதனா வைத்தியசாலையின் மகப்பேற்றியல் பெண் நோயியல் நிபுணருமான வைத்திய கலாநிதி கே.ஈ. கருணாகரன் தெரிவுசெய்யப்பட்டு, பதவியேற்றுள்ளார்.

மட்டக்களப்பு, பயணியர் வீதியில் அமைந்துள்ள றோட்டரிக் கழக அலுவலகத்தில் நேற்று (20) நடைபெற்ற இந்நிகழ்வில், மட்டக்களப்பு மறை மாவட்ட ஆயர் ஜோசெப் பொன்னையா பிரதம அதிதியாகவும், றோட்டரியின் துணை ஆளுநர் எம்.பத்மநாதன், அதன் செயலாளர் வைத்திய கலாநிதி சுகுணன் உட்பட கழக அங்கத்தவர்கள் பலரும் கலந்துகொண்டனர்.