வாகரை பிரதேச செயலகத்தில் திட்டமிடல் செயலமர்வு

-கே.எல்.ரி.யுதாஜித்

மட்டக்களப்பு கோறளைப்பற்று வடக்கு பிரதேச  செயலகத்தில் விளைவுசார் மற்றும் இலக்கு நோக்கிய திட்டமிடல் 2ஆம் கட்ட செயலமர்வு நேற்று புதன்கிழமை பிரதேச செயலாளர் எஸ். ஆர். ராகுலநாயகி தலைமையில் பிரதேச செயலக மாநாட்டு மண்டபத்தில் நடைபெற்றது.

இதன்போது,வாகரை பிரதேச செயலகத்துக்குட்பட்ட 16 கிராம சேவகர் பிரிவிலும் அமைக்கப்பட்ட 8 பேரைக் கொண்ட 16 சமூக மட்ட குழுக்களினூடாக கிராம மட்டத்தில் முன்னெடுக்கப்படவுள்ள திட்டங்கள் குறித்து ஆராயப்பட்டு  முன்வைக்கபட்டன.

இவ்வாறு 16 கிராம சேவகர் பிரிவின் சமூக மட்ட குழுக்களினால் முன்வைக்கப்பட்ட திட்டங்களை ஒன்றிணைத்து பிரதேச செயலகத்துக்கான ஒரு திட்டத்தினை தயாரித்து சமூக மட்ட பிரதிநிதிகளிடம் அனுமதி பெற்றுக் கொள்வதே இச் செயலமர்வின் நோக்கமாகும்.

இச் செயலமர்வில், உதவி திட்டமிடல் பணிப்பாளர் ஆர்.கங்காதரன், கிராம சேவை உத்தியோகத்தர்கள், கிராம சேவகர் பிரிவுக்கான அபிவிருத்தி உத்தியோகத்தர்கள், திவிநெகும அபிவிருத்;தி உத்தியோகத்தர்கள், குடும்ப நல உத்தியோகத்தர்கள், விவசாய போதனாசிரியர்கள். பிரதேச சபை உத்தியோகத்தர்கள், கால்நடை வைத்திய அதிகாரி அலுவலக உத்தியோகத்தர்கள் ,சமூக மட்டக் குழுக்களின் பிரதிநிதிகள் உட்பட பலரும் கலந்துகொண்டனர்.