விபத்தில் ஐவர் காயம்

-யோ.சேயோன்

மட்டக்களப்பு -கல்முனை  பிரதான  வீதி ஊடாக இன்று திங்கட்கிழமை காலை பயணித்துக்கொண்டிருந்த ஜீப் வண்டியொன்று களுதாவளைப் பகுதியிலுள்ள வீடு ஒன்றினுடைய மதிலுடன் மோதி விபத்துக்குள்ளானதில் ஐந்து பேர் சிறு காயமடைந்துள்ளனர்.

மட்டக்களப்பிலிருந்து  சாய்ந்தமருது    நோக்கிப் பயணித்துக்கொண்டிருந்த வாகனமே விபத்துக்குள்ளானது.

இதன்போது வீட்டு மதில் உடைந்துள்ளதுடன், வாகனமும் சேதமடைந்துள்ளது.

இந்த விபத்துத் தொடர்பில் களுவாஞ்சிக்குடி பொலிஸார் விசாரணைகளை மேற்கொண்டு வருகின்றனர்.