வீடுகளைப் புனரமைக்க காசோலைகள் வழங்கப்பட்டன

மட்டக்களப்பு மாவட்டத்தில், சுழல் காற்றால் பாதிக்கப்பட்ட வீடுகளைப் புனரமைப்பதற்கு முதலாம் கட்டமாக தலா 10,000 ரூபாய் காசோலைகள், மட்டக்களப்பு மாவட்டச் செயலாளர் எம்.உதயகுமாரால், கரடியனாறு பிரதேசத்தில் வைத்து, இன்று (10) வழங்கப்பட்டன.

ஏப்ரல் 01ஆம், ஓகஸ்ட் 16ஆம் திகதிகளில் வீசிய பலத்த சுழல் காற்றால் மட்டக்களப்பு மாவட்டத்தில் 161 வீடுகள் பகுதியளவில் சேதமடைந்தன.

இவற்றுக்கான நிவாரணப் பணிகளை அரசாங்கம் முன்னெடுக்கப்பட வேண்டிய தேவை உணரப்பட்டு, மாவட்டச் செயலாளரின் பணிப்புக்கமைய, தேசிய அனர்த்த நிவாரண நிலையத்தினூகூடாக 1.6 மில்லியன் ரூபாய் நிதி உடனடியாக விடுவிக்கப்பட்டு, இச்சுழல் காற்றால் பாதிக்கப்பட்ட பிரதேசங்களுக்கு விடுவிக்கப்பட்டன.

இதேவேளை, மேலும் பாதிக்கப்பட்ட வீடுகளுக்கான மதீப்பீட்டு அறிக்கை கிடைக்கப்பெற்றதும் இரண்டாம் கட்டமாக முழுமையான நிதியை வழங்க, தேசிய அனர்த்த நிவாரண சேவைகள் நிலையம் தீர்மானித்துள்ளது.

கிரான், வவுணதீவு, வெல்லாவெளி, பட்டிப்பளை ஆகிய பிரதேசங்களே, மேற்படி சுழல் காற்றால் அதிகமாகப் பாதிக்கப்பட்ட கிராமங்களாகும் .