ஹெரோய்ன் கடத்திய மூவருக்கு விளக்கமறியல்

ஹெரோய்ன் கடத்திய குற்றச்சாட்டில் கைதுசெய்யப்பட்ட இளைஞர்கள் மூவரை, நாளை (04) வரை விளக்கமறியலில் வைக்குமாறு, மட்டக்களப்பு மாவட்ட நீதிமன்ற பதில் நீதவான் எம்.ஐ.எம்.ரிஸ்வி உத்தரவிட்டுள்ளார்.

மட்டக்களப்பு, காத்தான்குடி பொலிஸ் பிரிவுக்குட்பட்ட மூன்று வெவ்வேறு இடங்களில், ஹெரோய்ன் போதைப்பொருட்களுடன், இவர்கள், காத்தான்குடி பொலிஸாரால் கைதுசெய்யப்பட்டிருந்தனர். சந்தேகநபர்களை, மட்டக்களப்பு நீதிமன்ற பதில் நீதவான் முன்னிலையில் ஆஜர்படுத்தியபோதே, அவர்களை விளக்கமறியலில் வைக்குமாறு அவர் உத்தரவிட்டார்.