150 பாடசாலைகளுக்கு ஆங்கில நூல்கள் வழங்கி வைப்பு

எஸ்.கணேசன்

ஹட்டன் கல்வி வலயத்துக்கு உட்பட்ட 150 பாடசாலைகளின் வாசிகசாலைகளுக்கு, ஆங்கில நூல்கள் வழங்கும் நிகழ்வு, ஹட்டன் இந்துமகா சபை கலாசார மண்டபத்தில், நேற்று முன்தினம்  இடம்பெற்றது.

மலையக மாணவர்களின் ஆங்கில வாசிப்புத் திறனை மேம்படுத்தும் நோக்கில், டிக்கோயா ரொட்டரி கழகத்தினர் இலவசமாக இந்நூல்களை வழங்கி வைத்தனர்.

டிக்கோயா ரொட்டரி கழகத்தினர் ஏற்பாடு செய்த இந்நிகழ்வுக்கு, கொழும்பு ஜெயா புத்தக சாலையும், ஸ்ரீ இராமாகிருஷ்ண மிஷனும் அனுசரணை வழங்கியிருந்தது.

இந்நிகழ்வில் ஸ்ரீ இராமாகிருஷ்ண மிஷனின் தலைவர் சர்வரூபாநந்த மகராஜ், டிக்கோயா ரொட்டரி கழகத்தின் தலைவர் மற்றும் உறுப்பினர்கள், ஹட்டன் கல்வி வலய அதிகாரிகள், ஆசிரியர்கள், மாணவர்கள் என பலரும் கலந்துகொண்டனர்.