100 அடி பள்ளத்தில் பாய்ந்து லொறி விபத்து; சாரதி பலி

ஆ.ரமேஸ், துவாரக்ஷான்

லிந்துலை பொலிஸ் பிரிவுக்கு உட்பட்ட ஊவாக்கலைப் பகுதியில் சுமார் 100 அடி பள்ளத்தில் விழுந்து லொறியொன்று விபத்துக்குள்ளானதில், லொறியின் சாரதி மரணமடைந்துள்ளதுடன் ஏழு பேர் காயமடைந்த நிலையில் லிந்துலை வைத்தியசாலையில் அனுமதிக்கப்பட்டுள்ளனர்.

விபத்தில் மவுசாகலை பகுதியைச் சேர்ந்த  மோகன்ராஜ் முரளிதரன் வயது (32) என்பவரே உயிரிழந்துள்ளார். 

நாகசேணை மவுசாகலை கீழ்ப் பிரிவிலிருந்து, ஊவாக்கலை நோக்கிச் சென்ற லொறியே இவ்வாறு விபத்துக்குள்ளாகியுள்ளது.

வீதி அபிவிருத்திப் பணிக்கான பொருட்களை ஏற்றிச் செல்லும்போதே லொறி விபத்துக்குள்ளாகியுள்ளது.

பிரேதப் பரிசோதனைக்காக லிந்துலை வைத்தியசாலையின் பிரேத அறையில் சடலம் வைக்கப்பட்டுள்ளது.