குளவி கொட்டு: ஐவர் வைத்தியசாலையில்

-ரஞ்சித் ராஜபக்

நோர்வூட் பொலிஸ் பிரிவுக்குட்பட்ட போட்ரி தோட்டத்தில் குளவி கொட்டுக்கு இலக்கான நிலையில் ஐவர் டிக்கோயா மாவட்ட வைத்தியசாலையில் அனுமதிக்கப்பட்டுள்ளனர்.

கிறிஸ்தவ ஆலயத்துக்கு சென்றுவிட்டு வீடு திரும்பிகொண்டிருந்த முதியவர் உட்பட 5 சிறுவர்களே இவ்வாறு குளவி கொட்டுக்கு இலக்காகியுள்ளனர்.

இச்சம்பவம் இன்று ஞாயிற்றுக்கிழமை(11) காலை இடம்பெற்றுள்ளது.

மரத்தில் இருந்த குளவி கூட்டை கழுகு ஒன்று கலைத்ததால் இவ்அனர்த்தம் இடம்பெற்றுள்ளதாக தெரிவிக்கப்படுகின்றது.

பாதிக்கப்பட்டவர்கள் தொடர்ந்தும் சிகிச்சை பெற்று வருவதாக வைத்தியசாலை வட்டாரங்கள் தெரிவிக்கின்றன.