சட்டவிரோதமாக தயாரிக்கப்பட்ட இரு வாகனங்கள் மீட்பு

-மொஹொமட் ஆஸிக்

ஜப்பானிலிருந்து இறக்குமதி செய்யப்பட்ட வாகன உதிரிப்பாகங்களைக் கொண்டு, சட்டவிரோதமான முறையில் தயாரிக்கப்பட்ட அதி நவீனரக இரு மோட்டார் வாகனங்களை திங்கட்கிழமை (01) கைப்பற்றியுள்ள வடமேல் மாகாண குற்றப்புனாய்வு பிரிவினர், சந்தேகத்தின் பேரில் ஒருவரை கைதுசெய்துள்ளனர்.

இவ்வாறு கைப்பற்றப்பட்ட மோட்டார் வாகனம் ஒன்றின் விலை 100 இலட்சம் ரூபாய் பெறுமதியானதென தெரிவித்த பொலிஸார், குறித்த வாகனத்தை 12 இலட்சம் ரூபாய்க்கு விற்பனை செய்ய முயற்சித்த சந்தர்ப்;பத்திலேயே கைப்பற்றியதாக கூறினர்.

சந்தேக நபர், குருநாகல், மரலுவாவ பிரதேசத்தை சேர்ந்தவரொனவும் பல வருடங்களாக ஜப்பானிலுள்ள வாகனங்கள் பழுதுப்பார்க்கும் வாகன சேவை நிலையத்தில் தொழில் புரிந்துள்ளார் எனவும்  ஆரம்பகட்ட விசாரணைகளிலிருந்து தெரியவந்துள்ளதாக பொலிஸார் மேலும் தெரிவித்தனர்.