சப்ரகமுவ முதலமைச்சரின் சாரதிக்கு விளக்கமறியல்

சப்ரகமுவ மாகாண முதலமைச்சர் மஹிபால ஹேரத்தின் சாரதியை எதிர்வரும் 29 ஆம் திகதி வரை விளக்கமறியலில் வைக்குமாறு கேகாலை மாவட்ட நீதவான் நீதிமன்ற நீதவான், நேற்று (22) உத்தரவிட்டார்.

மேற்படி மாகாணசபைக்கு சொந்தமான ஜீப் வண்டியிலிருந்து 3 கிலோகிராம் கஞ்சாவை பொல்காவையில் வைத்து பொலிஸார் கைப்பற்றியதுடன் சந்தேகத்தின்போரில் ஜீப் வண்டியின் சாரதியையும் கைதுசெய்தனர்.

சாரதியை நேற்று நீதிமன்றில் ஆஜர்படுத்தியபோதே நீதவான் மேற்படி உத்தரவை பிறப்பித்துள்ளார்.

இதேவேளை, மேற்படி சாரதிக்கு எதிராக கடுமையான சட்ட நடவடிக்கை எடுக்க வேண்டும் என்பதுடன் அவரது சாரதி பதிவியிலிருந்தும் நீக்குமாறு முதலமைச்சர் மஹிபால ஹேரத், மாகாண சபையின் பிரதான செயலாளர் எச்.பி.குலரத்னவிடம் வேண்டுகோள் விடுத்துள்ளமை குறிப்பிடத்தக்கது.