தேயிலை தூளுடன் கென்டேனர் கவிழ்ந்து விபத்து

-எஸ்.சிவசண்முகநாதன் சர்மா

பொதி செய்யப்பட்ட தேயிலை தூளை ஏற்றிக்கொண்டு பசறையிலிருந்து கொழும்பு வரை பயணித்த கென்டேனர் பதுளை, பண்டாரவளை வீதியில் உடுவர 6ஆம் மைற்கல்லுக்கு அருகில் ஞாயிற்றுக்கிழமை இரவு கவிழ்ந்து விபத்துக்குள்ளாகியுள்ளது.

சம்பவத்தில் காயமடைந்த கென்டேனர் உதவியாளர், பதுளை வைத்தியசாலையில் அனுமதிக்கப்பட்டுள்ளார். வளைவொன்றில் திருப்பும் போதே இந்த அனர்த்தம் ஏற்பட்டுள்ளதாக பொலிஸார் தெரிவித்தனர்.