22 டொன் மரப்பலகைகள் பறிமுதல்

அனுமதிப்பத்திரம் இன்றி தேக்கு மற்றும் மஹோகனி மரப்பலகைகளை ஏற்றிச் சென்ற குற்றச்சாட்டில் இரண்டு லொறிகளின் சாரதிகள் இருவர் சந்தேகத்தின் பேரில் செவ்வாய்க்கிழமை (03) கைது செய்யப்பட்டுள்ளனர் .

மொரட்டுவையிலிருந்து மஸ்கெலியா பிரதேசத்தில் உள்ள தேயிலை தொழிற்சாலையொன்றிக்கு குறித்த மரப்பலகைகளை ஏற்றிச் சென்ற நிலையில் ஹட்டன்-கொழும்பு பிரதான வீதி ரொசெல்ல பிரதேசத்தில் வைத்து குறித்த கைது நடவடிக்கை மேற்கொள்ளப்பட்டுள்ளது.

சந்தேக நபர்களுக்கு தலா 40,000 ரூபாய் அபராதம் விதிக்கப்பட்டதுடன், இரண்டு லொறிகளில் இருந்து மீட்கப்பட்ட 22  டொன் மரப்பலகைகள் பறிமுதல் செய்யநீதவான் உத்தரவிட்டுள்ளார் .