அடர்ந்த மூடுபனி ; போக்குவரத்து பாதிப்பு

நுவரெலியாவிற்கு செல்லும் பல முக்கிய வீதிகளில் நிலவும் அடர்ந்த மூடுபனி  காரணமாக போக்குவரத்து பாதிக்கப்பட்டுள்ளதாக தெரிவிக்கப்படுகின்றது.

ஹட்டன் - நுவரெலியா பிரதான வீதியில் நானுஓயா முதல் நுவரெலியா வரையிலும், நுவரெலியா - பதுளை பிரதான வீதியில் நுவரெலியா முதல் ஹக்கல வரையிலும், நுவரெலியா - கம்பளை பிரதான வீதியில் நுவரெலியாவில் இருந்து பம்பரகலை வரையிலும் இந்த அடர்ந்த பனிமூட்டம் நிலவுகிறது.

குறித்த வீதிகளில் வாகன ஓட்டுநர்கள் கவனமாக வாகனங்களை செலுத்துமாறு, ​​  நுவரெலியா பொலிஸார் கேட்டுக்கொள்கின்றனர். 

ரஞ்சித் ராஜபக்ஷ