அதிகமான தொற்றாளர்களுக்கு ஒரே நேரத்தில் சிகிச்சை

அஜித்லால் சாந்தஉதய

அதிகமான கொரோனாத் தொற்றாளர்களை ஒரே நேரத்தில் சிகிச்சை வழங்கக் கூடிய வகையில், பாரிய அதிதீவிர சிகிச்சைப் பிரிவொன்று, இரத்தினபுரி போதனா வைத்தியசாலையில் அமைக்கப்பட்டுள்ளதாக வைத்தியசாலையின் பணிப்பாளர் வைத்தியர் அனோஜ் ரொட்ரிகோ தெரிவித்தார்.

இதற்கு முன்னர் குறித்த வைத்தியசாலையில் இருந்த புற்றுநோய் சிகிச்சைப் பிரிவே, இவ்வாறு
அதிதீவிர சிகிச்சைப் பிரிவாக மாற்றப்பட்டதென்றார். இதில் 6 அதிதீவிர சிகிச்சைக் கட்டில்கள் உள்ளடங்களாக 16 கட்டில்கள் காணப்படுவதாகத் தெரிவித்தார்.

இரத்தினபுரி வைத்தியசாலையில் தினமும் அனுமதிக்கப்படும் தொற்றாளர்களின் எண்ணிக்கை அதிகரிப்பு காரணமாக, சுகாதார அமைச்சர் பவித்ரா வன்னியாராச்சியின் ஆலோசனையின் கீழ், இந்த சிகிச்சைப் பிரிவு ஆரம்பிக்கப்பட்டுள்ளதென்றும் இதற்காக, அரசாங்கத்தால் 25 மில்லியன் ரூபாய் செலவிடப்பட்டுள்ளதாகவும் வைத்தியசாலையின் பணிப்பாளர் தெரிவித்துள்ளார்.