இராணுவ அதிகாரி தற்கொலை விவகாரம்: மரணத்தில் சந்தேகம்

2 வருடங்களுக்கு முன்னர் தற்கொலை செய்து கொண்டதாகக் கூறப்படும்  இராணுவ இளவல் படையணி அதிகாரியின் சடலம் நீதிமன்றத்தின் உத்தரவின் பேரில் மீண்டும் தோண்டியெடுக்கப்பட்டது.

குறித்த அதிகாரியின் உறவினர்கள், இவரது மரணத்தில் சந்தேகம் இருப்பதாக தெரிவிக்கப்பட்ட முறைப்பாட்டையடுத்தே, வெலிவேரியா பொது மயான கல்லறையில் இருந்து திங்கட்கிழமை (15) தோண்டியெடுக்கப்பட்டது.

தோண்டியெடுக்கப்பட்ட சடலத்தின் எச்சங்கள், பரிசோதனைகளுக்காக கொழும்பு சட்ட வைத்திய அலுவலகத்திடம் ஒப்படைக்கப்பட்டுள்ளது.

தெல்கொட பிரதேசத்தைச் சேர்ந்த ரஞ்சன் பெர்ணான்டோ என்ற இளவல் படையணி அதிகாரி, தியத்தலாவை இராணுவ கல்வி பீட பயிற்சி வழங்கி வந்த சந்தர்ப்பத்தில், கடந்த 2015ஆம் ஆண்டு ஜூலை மாதம் 22ஆம் திகதி கொலைசெய்யப்பட்டார்.

அதன்பின்னர் அவர் தற்கொலை செய்துகொண்டதாக வைத்திய பரிசோதனை அறிக்கையில் குறிப்பிடப்பட்டது. இருப்பினும் இவரது மரணத்தில் சந்தேகம் இருப்பதாக அவரது உறவினர்கள் தெரிவித்ததையடுத்தே, அவரது சடலம் தோண்​டி எடுக்கப்பட்டது.