உதவி வழங்கும் நிகழ்வு

மொஹொமட் ஆஸிக்

கண்டி மாவட்டத்தில் சமுர்த்தி உதவி பெறுவோருக்கு மேலதிக   உதவிகளை வழங்கும் நிகழ்வு, சமூக வலுவூட்டல் மற்றும் நலன்புரி அமைச்சர் எஸ்.பி.திஸாநாயக்க தலைமையில் கண்டி மலையக கலை கலாசார மண்டபத்தில் நாளை வெள்ளிக்கிழமை (13)  நடைபெறவுள்ளது.

இதில், 'திரிய பியச' வீடுகளைப் பெற்ற 135 பேருக்கு காசோலைகள் வழங்கப்படவுள்ளதுடன், 30 பேருக்கு கடன் உதவிகளும் வழங்கப்படவுள்ளன.

மேலும், அதிர்ஷ்ட சீட்டிழுப்பின் மூலம் வெற்றி பெற்ற 16 பேருக்கு பரிசில்கள் வழங்கும் நிகழ்வும் சிறந்த சேவைகளையாற்றிய சமுர்த்தி உத்தியோகத்தர்களை கௌரவிக்கும் நிகழ்வும் இடம்பெறவுள்ளதென கண்டி மாவட்ட செயலகம் தெரிவித்துள்ளது.