உழவு இயந்திரம் விபத்து ; சாரதி காயம்

பதுளை வெவஸ்ஸ தோட்டத்திற்குச் சொந்தமான உழவு இயந்திரம் ஒன்று  புதன்கிழமை (16) பிற்பகல் வீதியை விட்டு விலகி விபத்துக்குள்ளாகியதாக பதுளை பொலிஸார் தெரிவித்தனர்.

வெவஸ்ஸ தோட்டத்திற்கு சொந்தமான இவ் உழவு இயந்திரம் தோட்ட காரியாலயத்தில் இருந்து வெவஸ்ஸ தொழிற்சாலைக்கு சென்று கொண்டிருந்த போது பதுளை பசறை  வீதி 7 கட்டை பகுதியில்  வீதியை விட்டு விலகி 60 அடி பள்ளத்தில் கவிழ்ந்து விபத்துக்குள்ளானதாக பொலிஸார் தெரிவித்தனர்.

விபத்துக்குள்ளானதில் பலத்த காயமடைந்த  47 வயதுடைய சாரதி  பதுளை போதனா  வைத்தியசாலையில்  அனுமதிக்கப்பட்டு சிகிச்சை பெற்று வருவதாகவும் விபத்து  தொடர்பில் விசாரணைகளை மேற்கொண்டு வருவதாகவும் பதுளை பொலிஸார் தெரிவித்தனர்.

ராமு தனராஜா