ஓட்டோ விபத்தில் ஒருவர் பலி; ஒருவருக்குக் காயம்

எஸ்.கணேசன்

நாவலப்பிட்டி ரத்மிரப்பிட்டிய பகுதியில், ஓட்டோவொன்று வீதியை விட்டுவிலகிச் சென்று பள்ளத்தில் விழுந்ததில், 30 வயது நபர் ஸ்தலத்திலேயே பலியாகியுள்ளதுடன் மற்றுமொருவர் படுகாயமடைந்த நிலையில் நாவலப்பிட்டிய வைத்தியசாலையில் அனுமதிக்கப்பட்டுள்ளார். 

ஹரங்கல பகுதியைச் சேர்ந்த ஆர்.எம்.புத்திக்க (வயது - 30) என்பவரே விபத்தில் பலியாகியுள்ளார்.

பிரேதப் பரிசோதனைக்காக மேற்படி நபரின் சடலம், நாவலப்பிட்டி வைத்தியசாலையின் பிரேத அறையில் வைக்கப்பட்டுள்ளது. 

வேகக்கட்டுப்பாட்டை இழந்தே ஓட்டோ விபத்துக்குள்ளாகியுள்ளதாக, பொலிஸாரின் ஆரம்பக்கட்ட விசாரணையில் தெரியவந்துள்ளது. விபத்துத் தொடர்பில், பொலிஸார் மேலதிக விசாரணைகளை மேற்கொண்டு வருகின்றனர்.