கலஹா வைத்தியசாலை வளாகத்தில் பதற்றம்

கலஹா வைத்தியசாலை வளாகத்தில் பதற்றமான நிலை ஏற்பட்டுள்ளதாகத் தெரிவிக்கப்படுகின்றது.

ஆலய நிகழ்வொன்றில்  கலந்துக்கொண்டிருந்த  3 வயது குழந்தையொன்று, திடீர் நோய்வாய்ப்பட்ட நிலையில்,  கலஹா வைத்தியசாலையில் அனுமதிக்கப்பட்ட போது ஏற்பட்ட தாமதம் காரணமாக குறித்த குழந்தை உயிரிழந்துள்ளது.

இதனையடுத்து, வைத்தியசாலை வளாகத்தில் பதற்றமான நிலை ஏற்பட்டுள்ளதாகவும், சுமார் 700 பேர் வரை வைத்தியசாலை வளாகத்தில் சூழ்ந்திருப்பதால், வைத்தியசாலைக்கு பொலிஸ் பாதுகாப்பு வழங்கப்பட்டுள்ளதாகத் தெரிவிக்கப்படுகின்றது.