காலாவதியான முட்டாசு விற்பனை; வியாபாரிக்கு ஒத்திவைக்கப்பட்ட சிறை

ஏ.ஏ.எம்.பாயிஸ்

காலாவதியான முட்டாசு (பைட்) பக்கெட்டுக்களை, விற்பனைக்காக வைத்திருந்தார் என்று குற்றம் நிரூபிக்கப்பட்ட  வியாபாரி ஒருவருக்கு, பலாங்கொடை நீதவான் நீதிமன்ற நீதவான் ஜயருவன் திஸாநாயக்க, 7,500 ரூபாய் அபராதத்துடன் மூன்று மாதம் ஒத்திவைக்கப்பட்ட சிறைத்தண்டனை வழங்கித்  தீர்ப்பளித்தார்.

பலாங்கொடை பின்னவலை பிரதேச வியாபார நிலையமொன்றின் உரிமையாளருக்கே, மேற்படி அபராதமும் சிறைத் தண்டனையும் விதிக்கப்பட்டுள்ளது.

இம்புல்பே சுகாதார பிரிவின் பொதுசுகாதார பரிசோதகர்கள், மேற்படிப் பகுதியிலுள்ள வியாபார நிலையங்களில் நடத்திய திடீர் பரிசோதனையின்போது, குறித்த வியாபார நிலையில், காலாவதியான முட்டாசு விற்பனைக்காக வைக்கப்பட்டிருந்தமை கண்டறியப்பட்டுள்ளது.