கோழித் திருடனுக்கு விளக்கமறியல்

எஸ். யோகா

கம்பளை- மேரிவலை கீழ் பிரிவில் உள்ள   கோழிப் பண்ணையிலிருந்து கோழிகள் திருடப்பட்டுள்ளன.

இந்த பண்ணையிலிருந்து சுமார்  50 கோழிகள் திருட்டு போயுள்ளதாக பண்ணை உரிமையாளர் குறுந்துவத்த பொலிஸ் நிலையத்தில் முறைப்பாடு செய்துள்ளார். .

இதனையடுத்து பொலிஸார் மேற்கொண்ட விசாரணைகளையடுத்து, சந்தேகநபர் ஒருவர் கைதுசெய்யப்பட்டுள்ளார்.

இவ்வாறு திருடப்பட்ட கோழிகள் அதே தோட்ட மக்களுக்கு விற்பனை செய்யப்பட்டுள்ளமை தெரியவந்துள்ளது.

ஒரு கிலோ கோழி இறைச்சி  1100- 1200 ரூபாய்க்கு  விற்பனை செய்யும் நிலையில், சந்தேகநபர்கள் திருடிய கோழிகளை 800 ரூபாய்க்கு விற்பனை செய்துள்ளமை தெரியவந்துள்ளது.

கைதுசெய்யப்பட்ட சந்தேகநபர் நேற்று (6)  கம்பளை நீதிமன்றத்தின் ஆஜர் செய்தபோது, அவரை  14ஆம் திகதி வரை விளக்கமறியலில் வைக்குமாறு நீதவான் உத்தரவிட்டுள்ளார்.