சுகாதார ஊழியர்கள் ஆர்ப்பாட்டம்

நுவரெலியா மாவட்ட வைத்தியசாலையில் சேவையாற்றும் வைத்தியர்கள் தவிர்ந்த ஏனைய சுகாதார  ஊழியர்களால் வைத்தியசாலை  முன்பாக கவனயீர்ப்பு ஆர்ப்பாட்டமொன்றை  செவ்வாய்க்கிழமை  (12) மதிய நேர உணவு இடைவேளையில் முன்னெடுக்கப்பட்டுள்ளது . 

இதன்போது  சுகாதார சேவையை முன்னெடுப்பவர்களின் சேவை,  பதவி மற்றும் தகுதிகளுக்கு ஏற்றவாறு மேலதிக கொடுப்பனவை வழங்க அரசாங்கம் மற்றும் சுகாதார அமைச்சு நடவடிக்கை எடுக்க வேண்டும் என வழியுறுத்தி இந்த கவனயீர்ப்பு ஆர்பாட்டம்  முன்னெடுக்கப்பட்டுள்ளது .

அத்துடன் அரசாங்கத்திடம் முன்வைக்கப்பட்டுள்ள குறித்த  மேலதிக கொடுப்பனவு கோரிக்கை விடயத்தை அரசு இழுத்தடிப்பு செய்து வருவதாக, போராட்டத்தில்  ஈடுபட்டவர்கள்  கோஷமிட்டு குற்றம் சுமத்தியுள்ளனர் .

மேலும்  இவ் வைத்தியசாலையில் கடமையாற்றும்  72 தொழிற் சங்கங்களில் அங்கம் வகிக்கும் சுகாதார சேவை ஊழியர்கள் அனைவரும் ஆர்ப்பாட்டத்தில்   கலந்துக்கொண்டிருந்தமை குறிப்பிடத்தக்கது.

ஆ.ரமேஸ்