தோட்ட உதவி முகாமையாளரின் ஜீப் வண்டி விபத்துக்குள்ளானது

 ரஞ்சித் ராஜபக்ஸ

கொழும்பு- ஹட்டன் பிரதான வீதியின் ஹட்டன் மல்லியப்பு சந்திக்கு அருகில் ஜீப் வண்டியொன்று இன்று (8) அதிகாலை 3 மணியளவில் விபத்துக்குள்ளாகியுள்ளது.

ஹட்டனிலிருந்து எபோட்சிலி தோட்டத்தை நோக்கிச் சென்ற ஜீப் வண்டியே இவ்வாறு வடிகான் ஒன்றில் வீழ்ந்து விபத்துக்குள்ளாகியுள்ளதாகவும், அதிக வேகமே இந்த விபத்துக்கான காரணமென ஹட்டன் பொலிஸார் தெரிவித்துள்ளனர்.

குறித்த பிரதேசத்திலுள்ள தோட்டமொன்றின் உதவி முகாமையாளர் ஒருவரின் ஜீப் வண்டியே விபத்துக்குள்ளாகியுள்ளதாக தெரிவித்துள்ள பொலிஸார், இந்த விபத்தால் குறித்த முகாமையாளரோ வேறு எவரும் காயமடையவில்லை என்ற போதிலும், ஜீப் வண்டி பலத்த சேதமடைந்துள்ளதாகவும் தெரிவித்துள்ளனர்.