நகை திருட்டு; இருவர் கைது

லிந்துலை, ஹோல்ரீம் தோட்டத்திலுள்ள வீடொன்றுக்குள் நுழைந்து, 60 ஆயிரம் ரூபாய் பெறுமதியான தங்கச் சங்கிலியை திருடியக் குற்றச்சாட்டில் இருவரை, லிந்துலை பொலிஸார் நேற்று (04) இரவு கைதுசெய்துள்ளனர்.

ஹோல்ரீம் தோட்டத்தில் ஒரே குடும்பத்தைச் சேர்ந்த இருவரே, இவ்வாறு கைதுசெய்யப்பட்டுள்ளனர்.

மேற்படி இருவரும்  தங்கச் சங்கிலியைத் திருடி, தலவாக்கலையிலுள்ள நகைகடையொன்றில் அடகு வைத்து, 60 ஆயிரம் ரூபாய் பணத்தை பெற்றுக்கொண்டுள்ளனர் என்று விசாரணைகளில் தெரியவந்துள்ளது.

இருவரையும் நீதிமன்றில் ஆஜர்படுத்தவுள்ள பொலிஸார், மேலதிக விசாரணைகளை மேற்கொண்டு வருகின்றனர்.