போதைப்பொருட்களுடன் யாத்திரை வந்த அறுவர் கைது

போதைப்பொருட்களுடன் சிவனொளிபாத மலைக்கு யாத்திரை வந்த ஆறு பேர் ஞாயிற்றுக்கிழமை (01) அன்று  நல்லத்தண்ணி  நகரில் வைத்து கைது செய்யப்பட்டதாக நல்லத்தண்ணி பொலிஸ் நிலைய பொறுப்பதிகாரி தெரிவித்தார்.

சந்தேக நபர்கள் ஹட்டன் பதில் நீதவான் முன்னிலையில் ஆஜர்படுத்த நடவடிக்கை எடுக்கப்பட்டுள்ளது.

மொரட்டுவை, மாத்தறை, பயாகல, வங்காதெனிய, ஹக்மனை மற்றும் மீகொட ஆகிய பகுதிகளைச் சேர்ந்த 25 முதல் 33 வயதுக்குட்பட்டவர்களே இவ்வாறு கைது செய்ய்பட்டுள்ளதுடன் அவர்களிடமிருந்து கஞ்சா, ஐஸ் (Ice) போதைப்பொருள், போதை மாத்திரைகள் மற்றும் வெளிநாட்டு சிகரெட்டுகள் என்பன கைப்பற்றப்பட்டுள்ளன.

சிவனொளிபாத மலைக்கு வரும் யாத்ரீகர்களில் சந்தேகத்திற்கிடமானவர்களை நல்லதண்ணி பொலிஸார் தொடர்ந்து தீவிர பரிசோதனைக்கு உட்படுத்தி வருகின்றமை குறிப்பிடத்தக்கது. 

செ.தி.பெருமாள்