பருவ காலம் நாளை ஆரம்பம்

உமாமகேஸ்வரி

சிவனொளிபாதமலையின் 2020ஃ2021 ஆண்டுக்கான பருவகாலம், பௌர்ணமி தினமான  நாளை செவ்வாய்க்கிழமை ஆரம்பமாகவுள்ளது.   

இதனையொட்டி, பெல்மதுளை கல்பொத்தாவலை ஸ்ரீ ரஜ மகா விகாரையில் பிரதிஷ்டை செய்யப்பட்டுள்ள சமன் தெய்வத்தின் திருவுருவச் சிலை, ஆடை, ஆபரணங்கள் தாங்கிய இரத பவனி, இன்று (28) திங்கட்கிழமை  காலை  ஆரம்பமானது.

இந்த இரத பவனி இரத்தினபுரி- கினிகத்தேனை, பெல்மதுளை- பலாங்கொடை, பெல்மதுளை- இரத்தினபுரி, பெல்மதுளை- இரத்தினபுரி ஆகிய நான்கு வழிகளின் ஊடாக,  சிவனொளிபாத மலையை இன்று (28) மாலை வந்தடையவுள்ளன. 

தனிமைப்படுத்தல் சட்டவிதிமுறைகளுக்கு அமைவாக, இந்தப் பவனி இடம்பெறவுள்ளது.

இடைவழியில் மக்களின் வழிபாட்டுக்காக வாகனப் பேரணி நிறுத்தப்படாது என்பதுடம் பேரணியில் பங்கேற்க 50 பேருக்கு மட்டுமே அனுமதி வழங்கப்பட்டுள்ளது.

இந்த பருவகாலம் 2021 ஆண்டு மே மாத மௌர்ணமி தினத்தன்று முடிவடையவுள்ளது.