பழமொன்றின் வித்தால் பறிபோன உயிர்

சுமணசிறி குணதிலக

பழமொன்றின் வித்து  தொண்டையில் சிக்கி 9 வயது சிறுவன் ஒருவன் உயிரிழந்துள்ளான்.

மொனராகலை- சுதுவத்துபாரயில் வசித்து வந்த சிறுவனே இவ்வாறு உயிரிழந்துள்ளான்.

குறித்த சிறுவன் 28ஆம் திகதி  வீட்டுக்கு அருகிலிருந்த கோன் எனப்படும் மரத்திலிருந்து பழத்தைப்  பறித்து சாப்பிட்ட போது, அதன் வித்து தொண்டையில் சிக்கியுள்ளது.

இதனையடுத்து சிறுவன் உடனடியாக  மொனராகலை வைத்தியசாலையில் அனுமதிக்கப்பட்டு தீவிர சிகிச்சைப் பிரிவில் சிகிச்சைப் பெற்று வந்த நிலையில், சிகிச்சை பலனின்றி உயிரிழந்துள்ளதாக மொனராகலை பொலிஸார் தெரிவித்தனர்.