பாவனைக்கு உதவாத 29 கிலோகிராம் கோழி இறைச்சியுடன் ஒருவர் கைது

மொஹொமட் ஆஸிக்

மனித பாவனைக்கு உதவாத 29 கிலோகிராம் கோழி இறைச்சியுடன் இருவரை, கலகெதரவில் வைத்து, பொது சுகாதார உத்தியோகத்தர்கள், நேற்று (14) கைதுசெய்துள்ளனர்.

ஓட்டோ ஒன்றிலேயே, கோழி இறைச்சிக் கொண்டு செல்லப்பட்டுள்ளதாகவும் குறித்த ஓட்டோவில், கோழி இறைச்சி பழுதடையாது பாதுகாப்பதற்குத் தேவையான வெப்பநிலையைப் பேணக்கூடிய வசதிகள் இருக்கவில்லை என்று, சுகாதார பரிசோதகர்கள் தெரிவித்தனர்.  

மேற்படி இருவரும் கலகெதர நீதவான் முன்னிலையில் ஆஜர்படுத்தப்பட்டபோது, அவர்களை தலா ஒரு இலட்சம் ரூபாய் பெறுமதியான சரீரப் பிணையில் செல்லுமாறு நீதவான் உத்தரவிட்டதுடன், வழக்கை  ஜூன் மாதம்  12ஆம் திகதிக்கு ஒத்திவைத்துள்ளார்.