பிலிங்போனி தோட்டத்திலிருந்து சிறுத்தையின் சடலம் மீட்பு

ரஞ்சித் ராஜபக்ஸ

தேயிலைத் தோட்டமொன்றிலிருந்து உயிரிழந்த நிலையில் சிறுத்தையொன்றின் சடலமொன்று நேற்று (1) மாலை மீட்கப்பட்டுள்ளதென நல்லத்தண்ணி வனஜீவராசிகள் திணைக்கள அதிகாரி பிபாஸ் கருணாதிலக தெரிவித்தார்.

நோர்வூட்- பிலிங்போனி தோட்டத்திலிருந்தே குறித்த சிறுத்தையின் சடலம் மீட்கப்பட்டதாகவும் தொழிலுக்குச் சென்ற தொழிலாளர்கள் வழங்கிய தகவலுக்கமையவே, இச்சிறுத்தையின் சடலம் மீட்கப்பட்டுள்ளதாக அவர் தெரிவித்தார்.

உயிரிழந்த சிறுத்தை  6 வயதான ஆண் சிறுத்தை என்றும் குறித்த தோட்டத்தில் உலவும் மற்றுமொரு சிறுத்தையுடன் ஏற்பட்ட மோதலிலேயே இந்த சிறுத்தை உயிரிழந்திருக்கலாம் என, வனஜீவராசிகள் திணைக்கள அதிகாரிகள் தெரிவித்துள்ளனர்.

சிறுத்தையின் சடலம் நல்லதண்ணி வனஜீவராசிகள் திணைகளத்துக்கு கொண்டு செல்லப்பட்டுள்ளதாகவும் தெரிவிக்கப்பட்டுள்ளது.