பெண் உட்பட அறுவர் கைது

கல்கிரியாகம பொலிஸ் பிரிவு, ஹபரத்தாவ பகுதியில், சட்டவிரோதமாக மதுபான தயாரிப்பில் ஈடுபட்டு வந்த பெண்ணொருவர் உட்பட அறுவரை, பொலிஸார் செவ்வாய்க்கிழமை மாலை கைதுசெய்துள்ளதுடன், மதுபானம் தயாரிப்பதற்காக பயன்படுத்திய பொருட்களையும்  கைப்பற்றியுள்ளனர்.

கோடா நிறைக்கப்பட்ட 53 பரல்கள், 11 சீனி மூடைகள், 3 வாயு சிலிண்டர்கள், 8 வாயு அடுப்புகள் உட்பட பல பொருட்களை பொலிஸார் இதன்போது கைப்பற்றியுள்ளனர்.

நுவரெலியா, லிந்துலை போன்ற பிரதேசங்களைச் சேர்ந்தவர்களே, இவ்வாறு கைதுசெய்யப்பட்டுள்ளனர்.