பெண்ணின் சடலம் மீட்பு

எஸ்.சதீஸ், எஸ்.கணேசன் 

பொகவந்தலாவ  - நோர்வூட் பிரதான வீதி,  காசல்ரீ நீர்த்தேக்கத்துக்கு நீர் ஏந்திச் செல்லும் கால்வாயிலிருந்து, பெண்ணொருவரின் சடலத்தை, நோர்வூட் பொலிஸார், இன்று(9) காலை மீட்டுள்ளனர்.

சுமார் 35 வயது மதிக்கத்தக்க பெண்ணின் சடலமே, இவ்வாறு மீட்கப்பட்டுள்ளது.

சென்ஜோன் டிலரி கீழ் பிரிவு தோட்ட மக்கள் வழங்கியத் தகவலுக்கு அமைவாகவே, சடலம் மீட்கப்பட்டுள்ளது.

சடலம் இதுவரை அடையாளங்காணப்படவில்லை என்றும், சம்பவ இடத்துக்கு ஹட்டன் நீதவான் வரவழைக்கப்பட்டுள்ளதாகவும் தெரிவித்த பொலிஸார், இது தொடர்பில் மேலதிக விசாரணைகளை மேற்கொண்டு வருகின்றனர்.