பொகவந்தலாவையில் ஆம்புலன்ஸ் விபத்து

பொகவந்தலாவ பிரதேச வைத்தியசாலையிலிருந்து டிக்கோயா ஆதார வைத்தியசாலைக்கு இரண்டு நோயாளிகளை ஏற்றிச் சென்ற ஆம்புலன்ஸ் விபத்துக்குள்ளானது.

இந்த விபத்து ஹட்டன் - பொகவந்தலாவ பிரதான வீதியில் உள்ள நோர்வூட் வென்ச்சர் தோட்ட பகுதியில் வியாழக்கிழமை (18) காலை 11 மணியளவில் நிகழ்ந்துள்ளது.

ஆம்புலன்ஸில் இருந்த இரண்டு நோயாளிகளும் உடனடியாக வேறொரு ஆம்புலன்ஸ் மூலம் டிக்கோயா ஆதார வைத்தியசாலைக்கு அனுப்பி வைக்க நடவடிக்கை எடுக்கப்பட்டுள்ளது.

ஆம்புலன்ஸின் பின் சக்கரம் எதிர் திசையில் வந்த பொலேரோ லொறியின் முன் சக்கரத்தில் மோதியதில் இந்த விபத்து ஏற்பட்டுள்ளதாக பொலிஸ் விசாரணையில் தெரியவந்துள்ளது.