மின்னியல் கிரைண்டர் கழுத்தில் பட்டு ஒருவர் பலி

கடுகஸ்தொட்ட, மாவில்மட பிரதேசத்தில் மின்னியல் கிரைண்டர் (Grinder) மூலம் இரும்பு வெட்டும் பணியில் ஈடுபட்டிருந்த 66 வயதுடைய நபர் ஒருவர், குறித்த கிரைண்டர் கழுத்தில் பட்டு படுகாயமடைந்த நிலையில் உயிரிழந்துள்ளதாக பொலிஸார் தெரிவித்துள்ளனர்.

தாமர கெதர பியசிறி என்ற 66 வயதுடைய நபரே இவ்வாறு உயிரிழந்துள்ளார்.

குறித்த நபர் தனது வீட்டுக்கு முன்னால் வேலி அமைக்கும் பணியில் ஈடுபட்டிருந்துள்ளார். இதன்போது, வேலிக்குத் தேவையான இரும்புகளை மின்னியல் கிரைண்டர் மூலம் வெட்டிக் கொண்டிருந்தபோது, எதிர்பாராத விதமாக அது அவரது கழுத்தில் பட்டுள்ளது.

இதனால் பலத்த காயமடைந்த அவர், உடனடியாக கண்டி தேசிய வைத்தியசாலையில் அனுமதிக்கப்பட்டுள்ளதுடன், அங்கு சிகிச்சை பலனின்றி உயிரிழந்துள்ளார்.