மரண பீதியில் மக்கள்

ரஞ்சித் ராஜபக்ஸ

ஹட்டன்- சிங்கமலை வனத்தில் உள்ள சிறுத்தைகள், ஹட்டன்- காமினிபுர பகுதிகளிலுள்ள
வீடுகளுக்கு அருகில் இரவில் வந்துச் செல்கின்றமை, வீடுகளில் பொருத்தப்பட்டுள்ள பாதுகாப்பு
கெமெராக்களில் பதிவாகியுள்ளன.

காமினிபுர பகுதியானது சிங்கராஜ வனத்துக்கு அருகில் இருப்பதால், வீடுகளில் வளர்க்கப்படும்
நாய்கள் மற்றும் கால்நடைகளை வேட்டையாடுவதற்கு இவ்வாறு சிறுத்தைகள் வீட்டுக்கு
வருவதாகவும், இவ்வாறு வரும் சிறுத்தைகள் வீட்டு வாசல்களுக்கே வந்துச் செல்கின்றமையும்
சி.சி.டி.வி கமெராக்களில் பதிவாகியுள்ளன.


கடந்த சில நாள்களாக காமினிபுர பிரதேசத்தில் உள்ள நாய்கள் பல காணாமல் போயுள்ளதாகவும், எனவே இவ்வாறு குடியிருப்புகளுக்கு அருகில் வரும் சிறுத்தைகளைப் பிடித்து, வனங்களில் விட வனஜீவராசிகள் திணைக்கள அதிகாரிகள் நடவடிக்கை எடுக்க வேண்டுமென்றும் காமினிபுர பிரதேசவாசிகள் கோரிக்கை விடுக்கின்றனர்.