மஹாதோவா தோட்டம் கதிர்வேலாயுத சுவாமி கோவில் கும்பாபிஷேகம்

மடுல்சீமை, மஹாதோவ தோட்டம், கீழ்ப்பிரிவு ஸ்ரீ கதிர்வேலாயுத சுவாமி கோவில்  மகா கும்பாபிஷேக பெருவிழா நாளை (11) தொடக்கம் தொடர்ந்து மூன்று நாள்களுக்கு நடைபெறவுள்ளது.

இதன்படி, நாளை காலை விநாயகர் வழிபாடு, பிரதிஸ்டா சங்கல்பம் உள்ளிட்ட விசேட பூஜைகளும் மாலை 5 மணிக்கு விநாயகர் வழிபாடு, கிராம சாந்தி, திருவிளக்கு பூஜை என்பன நடைபெறவுள்ளன.

12ஆம் திகதி வியாழக்கிழமை காலை, விசேட பூஜைகளைத் தொடர்ந்து எண்ணெய்க்காப்பு சாத்துதல் இடம்பெற்று, 13ஆம் திகதி வெள்ளிக்கிழமை அதிகாலை விசேட பூஜைகளைத் தொடர்ந்து, மகா கும்பாபிஷேகம், திருக்கும்ப அபிஷேகம், மகேஸ்வர பூஜை என்பன நடைபெறவுள்ளது.

மகா கும்பாபிஷேக நிகழ்வுகள், யாழ்ப்பாணம் நல்லூர் ஆலய பிரதம சிவாச்சாரியார் கும்பாபிஷேக பிரதிஷ்டா பிரம்ம ஸ்ரீசிவம் ஸ்ரீ சுதர்ஷணக் குருக்கள் தலைமையில் நடைபெறவுள்ளது.