மான் இறைச்சி வைத்திருந்தவர் கைது

மான் இறைச்சி என்று சந்தேகிக்கப்படும் ஐந்து கி​லோகிராம் இறைச்சியை, வீட்டிலுள்ள குளிர்சாதனப் பெட்டியில் வைத்திருந்தார் என்ற குற்றச்சாட்டின் பேரில், சந்தேக நபரொருவர், வத்துகாமம் பொலிஸாரால், நேற்று (12) கைது செய்யப்பட்டார்.

வத்துகாமம் பொலிஸ்பிரிவுக்குட்பட்ட, மடவளை - கல்கெடியாவத்த பிரதேசத்திலுள்ள வீடொன்றிலிருந்தே, இந்த இறைச்சிகள் மீட்கப்பட்டன.

இவர் வன விலங்குகளை வேட்டையாடி, இறைச்சி விற்பனை செய்து வருபவர் என்று சந்தேகிப்பதாக, பொலிஸார் தெரிவித்துள்ளனர்.