யானைகளிடமிருந்து பாதுகாத்துகொள்ள மாத்தளையில் மின்வேலி

-ரவிந்து விராஜ் அபயசிறி

மாத்தளை மாவட்டத்திலுள்ள கிராமங்களில் காட்டு யானைகளின் தாக்கம் அதிகரித்துள்ளமையால்; மின்வேலி அமைப்பதற்கான திட்டத்தை எதிர்வரும் நவம்பர் மாதம் 30ஆம் திகதி நடைமுறைப்படுத்தவுள்ளதாக மாத்தளை மாவட்ட செயலாளர் நீல் த அல்விஸ் தெரிவித்தார்.

வில்கமுவ, லக்கல, பல்லேகம, தம்புள்ளை, நாவுல்ல, ஹலேவெல, மாத்தளை ஆகிய  பகுதிகளை உள்ளடக்கியே இத்திட்டத்தை நடைமுறைப்படுத்த உள்ளதாக அவர் தெரிவித்தார்.

மக்கள் வசிக்கும் பகுதிகளில் யானைகளின் நடமாட்டம் அதிகரித்துள்ளமையாலும் காட்டு யானைகளின் தாக்கத்தில் இருந்து மக்களை பாதுகாப்பதற்காக வேண்டியே இதனை நடைமுறைப்படுத்த உள்ளதகாவும் அவர் மேலும் கூறினார்.

வனஜீவராசிகள் திணைக்கள அதிகாரிகள், சிவில் பாதுகாப்பு படைப் பிரிவினரின்  ஆலோசனைக்கமைவாக  இந்த மின்வேலி அமைக்கப்பட உள்ளமை குறிப்பிடத்தக்கது.